Sipas të gjitha gjasave, Liverpool nuk do të jetë një nga klubet në garë për Frank Kessie për shkak të kërkesave të tij për pagën, raporton Fabrizio Romano.

Duket sikur situata e rinovimit që rrethon Kessie është aktualisht në një ndalesë totale dhe për këtë arsye, lojtari nga Bregu i Fildishtë mund të ndjekë rrugën e Donnarummas dhe Hakan Calhanoglut për t’u larguar si lojtar i lirë.

Aktualisht ka një hendek të pakalueshëm midis ofertës së menaxhmentit dhe kërkesave të lojtarit.

Liverpool është lidhur vazhdimisht me një lëvizje për të nënshkruar me Kessie dhe për të forcuar opsionet e tyre për mesfushën, por duket se 24-vjeçari do pagë të madhe për t’u larguar nga Milani.

Në një intervistë për “Empire of the Kop”, Romano tha: “Unë mendoj se nëse ai do të largohet nga AC Milan si lojtar i lirë, ai dëshiron më shumë se 8 milionë euro neto në sezon. Janë shumë para. Unë mendoj se Liverpooli dëshiron të shkojë në një mënyrë tjetër edhe për pagat dhe mendoj se ata po marrin një vendim të mirë për këtë”./Arbresh.info